ود عوض - صلاة الله على من واجبالو

كلمات الشيخ / ود عوض

اداها ../.. احمد البلحي - الرباطابي وغيرهم


*~*~*~*~*
صلاة الله على من واجبالو ..

سلامي يفوق على الحصى والرمالو ..

*~*~*~*~*

رفعت يدي يا مولاي يسر

على قلبي المديح اروي وافسر

رواة القبلي منهم لا اقصر

انت ذو الملك عزو وجلالو

*~*~*~*~*

ثنيت بي الما خلق اعظم عليهو

وين في الرسل يقربلو و شبيهو

دا يوسف كان جميل هو فاق عليهو

مربعة قامتو، حاجبو كذا الهلالو..

*~*~*~*~*

حملت بت وهب بي من خيارا

دا ادم جاها وادها البشارة

نبوة ، الكانوا سامعين الخبارا

يهنوا بي التبعو ورضالو

*~*~*~*~*

يوم وضعوهو حضرن في مكانا

ام عثمان وام عبد الرحمنا

يقولن انبق نور نبي الزمانا

كنعان واليمن لي الروم ضوالو

*~*~*~*~*

جاتو سعيدة الدارين حليمة

ما دارتلو اجرة ولا عزيمة

تقول جيد لي بي اب نية سليمة

شياها القارضة صارن حالبه لو

*~*~*~*~*

مرق في الحر تبراهو السحابه

جلس في الحضرة يحكي لينا الصوابا

مريض ننجاهو بي مساهو طابا

قديم الجذع شال بلح انتكالو

*~*~*~*~*

تقولو الصيدة يا سيد النبوة

يهودي سجني ما لي معاهو بوة

تاركا لي طفال عاوزة المروة

محسنة ظني فيك يا سيد بلالو ..

*~*~*~*~*

خلصني اروح ارضع جنايا

يهودي سعيد وسابقالو العنايه

الحكم من الله والمخلوق بدايه

خلصها من سواجير الحبالو

*~*~*~*~*

قعد احمد ضمين راحت عيالا

تقول لي اصغر الجيديان تعالا

ارضع بي عجل ما في بالا

ضمني انا القبلي الجمل اشتكالو

*~*~*~*~*

الجدي قال ليها لبنك ما بدورو

شكيتي عليهو ليه يمة النبورو

دا مدخور القسا يوم النشورو

ليه تضمني ليهو من عاداهو وجفاهو

*~*~*~*~*

اتت في حينها لي حل الضمانة

اليهودي بكى وقال لُو علي امانة

الاله القربك حاضر معانا

انت جيت من الله حق عبدو ورسولو

*~*~*~*~*

اصحاب الرسول حقو الفراسة

بحور العلم للدين والدراسة

ما دخلوا البنادر للكواسة

بيقدلوا فوق رسولهم ما بي يبالوا ..

*~*~*~*~*

البريق لاح لي من جيهة شروقو

شغل لي بالو من للحب عشوقو

لبيب حِلولو قيدي نوى المروقو

مفوض امرو للفاق في كمالو

*~*~*~*~*

يقولك ود عوض يا سيد عكاشة

يا اب حوضاً سبيل يروي العطاشه

بخاف يوماً الممات يوم الفتاشا

بدور تحضرني عند ساعة السؤالو

*~*~*~*~*

صلي الله ربي ثم سلم

بي عدد الكتاب حلل وحرم

عدد وصف الجزولي والله يعلم

هديتها لي رسولنا الواجبالو

*~*~*~*~*

ساعد في نشر والارتقاء بنا عبر مشاركة رأيك في الفيس بوك

شرفْ مقالك بامتــــــداح محمد == إن القصيد علوه في المقصـــــد
فاختــر من الألفاظ أروع حلـــــة == واقنص عزيزات المعاني الشُــرد
فإذا ظفرت بدرة عصمـــــاء مَــن == خبرَ القريضَ لمثلها لا يهتـــــدي
فاذكر عداك الضير قولة مــــاجد == بيتا من الشعر الجزيل الجيــــــد
ما إن مدحت محمدا بقصائـــدي == لكن مدحت قصائدي بمحمـــــد
يا سيـــــدي إني ببابك واقـــف == أرجو لديك شفاعة يا سيـــــــدي

اللهم صلى وسلم على سيدنا محمد وعلى آله وصحبه أجمعين

صلي الله ربي ثم سلم

بي عدد الكتاب حلل وحرم

******************************
صل الله عليه وسلم

صلي الله ربي ثم سلم بي عدد الكتاب حلل وحرم عدد وصف الجزولي والله يعلم هديتها لي رسولنا الواجبالو مشكووووووووووور