حاج العاقب - كدور الجمال يا أخي - كلمات

مدح , الجمال , العاقب , حاج , ورا , كلمات

حاج العاقب - كدور الجمال يا أخي - كلمات

كدور الجمال يا أخي
لي رسول الله السخي
~*~
نفسي ليش بتِتمسِّخِي
وتتبعي اللَّعين توسخِي
شدِّي حيلك لا ترِّخِي
وانظُمي المديح وارسخِي
~*~
مَلبس الدنيِّة افسخِي
تِفِّي بالحِجار وافشخِي
سوِّي فيهو النَّار وانفخي
وضرِّي للهبوب تلفحي
~*~
امدحي الرَّسول السَّخِي
وتبقي في مقام شامِخِ
تاكُلي الحلو وتمتخي
صار كُل عزيز ليك أخِ
~*~
يوم دخل في الغار هو وأخي
العنكبوت بنت برزخِ
بيض الحمام فرّخِ
راي عداهُ اتمتخي
~*~
قدمُو امام السخي
ومسّكُو الزمام السخي
علُّو في المقام السخي
وبلَّغو المرام السخي
~*~
قال لو رَبنا يا السخي
انت حِبنا يا السخي
ادنو قُربنا يا السخي
وتلقى طِبَّنا يا السخي
~*~
شُوف مُعجزاتو السخي
نادى الشَّجرة جاتو السخي
ربُّو علَّى "عزّ" ذاتو السخي
فوق مخلوقاتو السخي
~*~
درَّر العجوف السخي
سِتها بتشوف يا السخي
الماء من كِفوف السخي
ويجري كالسروف لي السخي
~*~
عاقباً غشيم يا السخي
فوقو ذنب عظيم يا السخي
جاهو كالعميم يا السخي
فيهو لا يليم يا السخي
~*~
الصلاة وسلام للسخي
مدة الايام للسخي
توصل في مقامو السخي
تحكي للكلام السخي
~*~




08-21-2019 02:45 PM

المصدر: شبكة ومنتديات ود قرينو للمدائح النبوية - من قسم: حاج العاقب

---

ph[ hguhrf - ;],v hg[lhg dh Hod ;glhj l]p ,vh

تعليقاتكم البناءه هي طريقنا لتقديم خدمات افضل فلا تبخل علينا بتعليق